Verifikimi i materialeve të ardhura nga Belgjika kanë bërë që SPAK të kërkojë lëshimin e 4 masave të sigurisë mes të cilave atë të arrestit të shtëpisë për zyrtaren që së fundmi ishte me detyrë specialiste e Kadastrës për zonën Kamëz dhe Vorë. Në arrati mbeten vëllezërit Besian dhe Leonard Rama të cilët sipas burimeve janë rreth familjar të zyrtares së Kadastrës. Pikërisht kjo lidhje dyshohet se i ka ndihmuar ata të fshehin pronat e vënë nga burime jo të ligjshme dhe t’i tjetërsojnë. E pikërisht mbi këto dyshime po me kërkesë të SPAK, pasuritë në pronësi të dy vëllezërve janë vënë në sekuestro preventive. Konkretisht bëhet fjalë për 16 apartamente në Fier dhe Tiranë, 1 shoqëri tregtari, 3 garazhe, 27 llogari bankare dhe 2 automjete.
