Të paktën 17 të vdekur nga fundosja e skafit me emigrantë në brigjet e Bahamas
July 25, 2022 at 2:56 pm,
No comments
Të paktën 17 persona humbën jetën pasi skafi me dhjetra emigrantë nga Haiti u përmbys në brigjet e Bahamasit.
Shumë qytetarë haitianë po përpiqen të largohen nga vendi i tyre për shkak të varfërisë dhe dhunës së bandave kriminale. Destinacioni i tyre është Shtetet e Bashkuara të Amerikës.
Ekipet e shpëtimin gjetën trupat e 17 emigrantëve, duke përfshirë një foshnje, raporton Reuters.
25 persona të tjerë u shpëtuan. Mendohet se skafi u përmbys për shkak të detit të trazuar.
Në bord mendohet se kanë qenë 60 persona dhe supozohet se pjesa tjetër janë të zhdukur.
Dy persona janë arrestuar nga autoritetet haitiane, si të dyshuar për kontrabandimin e qenieve njerëzore.