Keqpërdorimi i fëmijëve është sanksionueshëm me ligj
July 13, 2022 at 7:13 pm,
No comments
Çka po ndodhë në Myftininë e Shkupit? A po shndërrohet kjo Myftini në poligon të zhvillimit të “jetës fetare” jashtinstitucionale nga shoqata, fondacione, lidhje-zgjidhje, që nuk parashihen në asnjë dokument normativ të Bashkësisë Fetare Islame
Nga Bujar Hoxha
Fill pas komplotit dhe puçit klasik që e ushtroi Shaqir Fetai me ndihmën e pushtetit maqedonas për t’u instaluar në krye të BFI-së, në këtë institucion fetar lulëzuan lloj-lloj marifetllëqesh që aspak nuk i bëjnë nder as islamit, as traditave myslimane të vendit por as jetës fetare islame në përgjithësi.
Shaqir Fetai, për të blerë përkrahje për veprimin e vet destruktiv, nisi dhe BFI-në e shndërroi në çerdhe të turlifarë “mahluku” duke ua institucionalizuar veprimet që nuk përputhen me asnjë normativë të BFI-së. E papërputhshme në normativë ishte edhe instalimi i tij, ndaj, zhvillimin e vet mund ta përjetojë vetëm me elementë jolegjitimë dhe ilegalë që, falë politikave të tij destruktive, kanë nisur të lëshojnë rrënjë në gjithë territorin e vendit!
Si territor që po gëlon nga elemente të dyshimtë që po zhvillohen në emër të fesë islame, pa dyshim që është Myftinia e Shkupit, në krye të së cilës për myfti ka ardhur Qenan Ismaili, person nga kirerarkia e “Forumit Rinor Islam” përmes së cilës, deri në momentin e vendimit që të emërohet myfti, plotë dy dekada e ka luftuar BFI-në, e ka dëmtuar interesin e Istitucionit, ka agjituar kundër Institucionit! Qenan Ismaili shumë shpejt do të kapet se si edhe më tej e zhvillon luftën në të mirë të “FRI”-së e në dëm të Myftinisë si organ i rëndësishëm i BFI-së! Do t’i duhet një përkrahje e një “kontigjenti” tjetër, të po atij “kontigjenti” që sot po lavdërohen se janë bërë mbi 100 mijë vetë! Drejtues të këtij kontigjenti prej 100 mijë vetësh janë rehatuar nëpër xhami të ndryshme të kësaj Myftinie, me propozime të Qenan Ismailit e me dekrete të Shaqir Fetait, të cilët, që të gjithë, ose i kanë “shoqatat humanitare” të vetat, ose i kanë “qendrat islamike” të vetat, ose kanë “agjencitë e udhëtimit” të vetat, ose kanë “shtëpi botuese” të vetat! Të gjithë këta, instituconet fetare, siç janë xhamitë apo zyret e myftinive, i përdorin për logjistikë për të përfituar për vete! Asnjë nuk punon në të mirë të organeve përkatëse të BFI-së!
Rasti më eklatant i tërë kësaj që u tha më sipër, është rasti i njëfarë hoxhe të jashtëligjshëm, Omer Bajrami, i cili, për Kurban Bajram i kishte mbledhur qindra fëmij në shesh të Komunës së Sarajit dhe po i manipulonte për shtatë palë qejfe! Në këtë rast ranë në provim institucionet komunale, prindërit, organi i Myftinisë si dhe tërë shoqëria myslimane e vendit! Një video makabre e postuar në fb-un e hoxhës në fjalë flet se sa i aftë është ai, sa është i lirë, sa me “autoritet” luan me botën e fëmijëve! Si është e mundur që me aq lehtësi t’i keqpërorë fëmijët në një propagandë që përfitimet i sjell personalisht hoxhës?! Si është e mundur që mos të kemi kurrfarë reagimi nga ana e Muftinisë, e cila e ka organin e vet humanitar, “Hilalin”, në emër të së cilës duhet të veprojë çdo nëpunës i kësaj Myftinie? Si është e mundur që “imami” i xhamisë së Sarajit ta përdor xhaminë për ta “trashur” shoqatën e vet “Dora e Bardhë”, (akronim i organizatës terroriste serbe, “Crna Ruka”)! Si është e mundur që të manipulohen prindërit dhe me aq lehtësi t’i nxjerrin fëmijët para kamerave të hoxhës, i cili, për atë “aktivitet” do të paguhet majmë, sepse, te donatori i vet do të mburret se për sa fëmijë myslimanë përkujdeset! Si lejojnë prindërit që t’u vidhet mundi i përkujdesjes prindërore nga një hoxhë matrapaz!
Si lejojnë organet komunale, pastaj si lejojnë organet përkatëse shtetërore që në atë formë të keqpëroren fëmijët për “imazh” të një hoxhe pa kurrfarë imazhi!
Hoxha u drejtohet fëmijëve duke u thënë se marrjen e paketave e kanë me kusht nëse dinë t’u përgjigjen disa pyetjeve islame, nëse jo, nuk kanë paketë! Ku është parë në botë një formë e dihmës së tillë, ku është parë në botë donime me kushte i dhuratave! Këtë e bën vetëm ai që shpirtërisht është i prishur dhe që, prej pleshtit dëshiron të nxjerrë dhjamë!
Një hoxhë i mirë, një teolog i devotshëm, një prijës shpirtmirë i xhematit, pasi të falte një prej vakteve të ditës, do t’ju kërkonte prindërve që të marrin nga një paketë dhe t’ua dërgonin fëmijëve në shtëpi! Kjo po që është dhuratë e sinqertë! Një hoxhë i diskutueshëm e i prishur dhuratën nuk do ta afronte pa e bërë “pordhë e piskamë”! Kjo është edhe një dëshmi se në BFI punët po shkojnë zi e më zi! Kjo është edhe një dëshmi se Myftinia e Shkupit tashmë është shndërruar në një organ që nuk e kontrollon gjysmën e territorit të vet, që me dhjetra xhami i kanë dalur dorësh dhe janë shndërruar në logjistikë të “shoqatave” të dyshimta! Shumë shpejt, edhe fetarisht por edhe kombëtarisht pasojat do të jenë tepër të kushtueshe! Dikush duhet të dalë e t’i thotë stop këtyre dukurive që do të rëndojnë papërballueshëm mbi kurrizin e identitetit tonë kombëtar e fetar!(TetovaSot)